Kako se pravi mobile / njihalica/ od grančica

http://www.youtube.com/watch?v=AkzVokxVqN8



Dragi naši,

Oktobar je poznat po promjenljivom vremenu, zato vam predlažemo da kada budete išli s roditeljima u šetnju, sakupite nekoliko suvih grančica i manjih šišarki, koje ćete sačuvati do nekog kišnog, dosadnog dana, a onda vam predlažemo da napravite njihalicu nalik ovim koje su uradila djece iz Umjetničke školice "Plavi zec" iz Budve.
Da biste napravili njihalicu potrebno je da imate:
* 1 suvu, čvrstu grančicu dugu oko 50 cm
* nekoliko manjih / 10- 15 cm/, mogu i daščice,
* 3- 4 šišarke
*  tempere, četkica / kist ili pinjelo/ i čaša vode za boje
* ukrasno perje / ako ga nemate, poslužiće i neka ukrasna traka, niti deblje vunice ili rafije/
* konopac / 1 od 55 cm i 2 x 35 cm + još jedan mali od 10 cm- od kojeg se pravi omča, a koja služi da se njihalica okači/

Grančice i šišarke / čvrste i suve/, počevši od najduže, obojamo željenom šarom i odložimo ih da se dobro prosuši boja. Glavna grančica nam služi da zavežemo na njena oba kraja / po 2-3 cm od kraja/ i po sredini, konopčiće. Na njih vežemo manje grančice, daščice i šišarke, a zatim, tamo gdje smo vezali konopom te manje grančice, umetnemo ukrasno perje. Gledamo da onaj konopčić u sredini bude najduži i najbogatije ukrašen. Napravimo omču od najmanjeg komada konopa, i zavežemo je po sredini glavne grančice. Prije nego što napravite čvor, provjerite da li je sve u ravnoteži!

Njihalica je spremna da se okači- u dječju sobu, a ljeti i na balkon!

Do sljedećeg puta
mah, mah, mah,

Vaš Plavi zec!